चेरब स्मृति प्रतिष्ठानले मिति २०८३ साल भाद्र २७ गते शनिवारका दिन वि.पी. नेत्र प्रतिष्ठान आँखा ,नाक, कान, घाँटी अस्पताल मध्यपुर थिमी नगरपालिका वडा नं १ स्थित लोकन्थली , मनोहराफाँटको सभाकक्षमा तेह्रौं साधारण सभा, पाचौं अधिवेशन, चेरब स्मृति सम्मान-२०८२ तथा कविता वाचन कार्यक्रम कार्यक्रम सम्पन्न गर्यो ।
उक्त कार्यक्रकमका प्रमुख अतिथि वरिष्ठ साहित्यकार श्री महेश प्रसाईं हुनुहुन्थ्यो भने विशिष्ठ अतिथिहरूमा डा. विष्णु बिभु घिमिरे,भाषा आयोगका माननीय सदस्य श्री मातृका पोखरेल, घिमिरेबन्धु राष्ट्रिय प्रतिष्ठानका अध्यक्ष चेतनाथ घिमिरे,पाण्डवराज घिमिरे प्रतिष्ठानका अध्यक्ष कुलराज घिमिरे,कवि चन्द्रप्रसाद न्यौपाने,नेपाल विद्युत प्राधिकरणका उपकार्यकारी निर्देशक श्री मदन तिम्सीना, गोरखापत्र संस्थानका अधिकृत कर्मचारी श्री केदार वाशिष्ठ, प्रतिष्ठानका आजीवन सदस्य, साधारण सदस्य, कवि कलाकार एवम् प्रतिष्ठानका पदाधिकारीहरू, समाज सेवीहरू रहनु भएको थियो ।
उक्त कार्यक्रममा आ.व.२०८२/८३को आर्थिक प्रतिवेदन श्री टीका खनाले र सचिवको प्रतिवेदन सचिव श्री पदम बाँस्तोलाले पेश गर्नु भएको थियो । दुवै प्रतिवेदन सभाले सर्वसम्मत रूपमा पास गरेको थियो।
उक्त सभाले प्रतिनिधि चयनका लागि गरिएको प्रस्तावमा विद्यमान समितिलाई नै एक कार्यकालका लागि सर्वसम्मत रूपमा पारित गरेकोछ ।
सभामा प्रा.डा. विष्णु बिभु घिमिरे, भाषा आयोगका माननीय सदस्य मातृका पोखरेल, घिमिरेबन्धु राष्ट्रिय प्रतिष्ठानका अध्यक्ष श्री चेतनाथ घिमिरेले शुभकामना मन्तव्य राख्नु भएको थियो।
उक्त कार्यक्रमका प्रमुख अतिथि श्री महेश प्रसाईंलेप्रतिष्ठानले शोकलाई शक्तिमा बदल्ने कार्य गरिरहेको भन्दै प्रेरणा दिनु भएको थियो। ने.वि.प्रा.का उप कार्यकारी निर्देशक श्री मदन तिम्सीनाले आफ्नो मन्तब्यका साथ भोटेकोसीको विपद् सम्वन्धी स्थलगत निरीक्षण गर्दाका जानकारीहरू गराउनु भएको थियो ।
कार्यक्रमा चेरब स्मृति सम्मान २०८२ बरिष्ठ साहित्यकार एवम् लघुकथाकार श्री पुष्करराज भट्टलाई प्रमुख अतिथि सभापति तथा सल्लाहकार रत्नकला घिमिरे,प्रमुख अतिथि एवम् अध्यक्ष पुण्य घिमिरेबाट प्रदान गरिएको उक्त कार्यक्रममा भोटेकोसी बाढीमा परी मृत्यु हुनेहरूमा श्रद्धाञ्जली, हराई रहेकाहरूको शीघ्र उद्धार तथा राहत उद्धारमा शीघ्रताको कामना गरिएको थियो । प्रतिष्ठानका अध्यक्षले पीडितहरूसँग समन्वय गरी प्रतिष्ठानले समयानुकूल सुरक्षा सम्वन्धी कार्यक्रमहरू र सामाजिक सेवाहरू अगाडि बढाउने जानकारी दिनुभएको थियो ।
कार्यक्रममा आशिष खनाल, सञ्जय सोती, डा. तीर्थ भट्ट, निर्मण रमण पराजुली, श्याम श्रेष्ठ, भोजराज रेग्मी मुखाले, भानुभक्त न्यौपाने, केदार वाशिष्ठ, पदम खनाल, मधुस न्योपानेले कविता वाचन गर्नु भएको यो समग्र कार्यक्रम सिस्नु पानीका सदस्य समेत रहनुभएका,प्रतिष्ठानका सचिव श्री चक्र दवाडीले संचालन गर्नु भएको थियो । स्वागत मन्तव्य मधुस न्यौपानेले गर्नु भएको थियो भने प्रतिष्ठानका उपाध्यक्ष धर्म पोखरेलले धन्यवाद मन्तव्य गर्नु भएको थियो ।
०००
